Fun Fun 串串鍋 (已結業)

黎到旺角呢間fun fun鍋， 真係非常少見嘅串串鍋， 好有麻辣重慶嘅風味， 叫咗個鴛鴦鍋， 一邊係麻辣， 另一邊係胡椒豬肚。 一邊呢就又麻又香， 另一邊廂又有黑椒嘅胡辣。 口味都幾獨特， 食得辣嘅朋友應該十分之鍾意， 平時打邊爐打得悶， 真係要嚟試下呢個串串鍋。飲品方面， 種類都幾多， 無糖同有糖飲品都齊曬， 食辣真係點少得飲品呢。有啲食物就自己出去拎， 食物全部都算好曬， 放咗喺雪櫃， 睇落乾淨又衛生， 而且自己拎又唔使等， 真係夠曬方便， 食物種類都幾多， 有本人最鍾意嘅鴨血， 蔬菜方面都有唔少選擇。調味方面， 除咗有一般嘅打邊爐調味配料指天椒炸蒜蒜之外， 仲有好少見嘅干碟配料， 干碟即係無水份既醬， 用來配串串鍋食就非常之夾。甜品方面有雪糕同埋雪條， 仲有豆腐花， 用嚟解辣就真係一流。