雲桂香米線專門店

營業中

休息中

之前聽朋友介紹過雲桂香嘅雲南米線唔錯， 難得星期六放半日，又喺葵芳附近放工，一個人嚟到呢度試下，入到鋪頭嘅感覺幾舒服 地方夠大座位夠闊落，就算爆場都唔會坐得好迫。睇睇餐牌有幾款湯底選擇，仲有涼拌同熱拌，餸菜都有接近40款選擇，今次叫咗個小鍋米線加魚腐、紫菜、竹笙，辣度選擇咗小辣，米線配有芽菜、酸菜、韭菜、蔥，個酸辣湯底真係唔錯，又酸又辣夠曬開胃，飲落唔似味精湯，米線軟硬度適中夠彈牙，大大碗，食完一碗米線已經夠飽，下次會再嚟試下其他小食。