The Joomak (已結業)

雖然秋天已到但總覺得食透心涼嘅韓式冷麵，感覺超爽呀!前晚同朋友去咗尖沙咀LCX 3樓間「The Joomak」，食咗個正宗韓式冷麵，望住海景嘆住涼浸浸嘅美食，真係人生一大樂事。冷麵是手拉製造，keep住4°C，上擡時仲有仙氣，配菜有青瓜絲、甘筍絲及泡菜。韓式辣豬肉冷麵配薑柚豉油汁，醬汁可加上冰粒再放麵後進食，或不加冰亦可，除個人喜好。薑柚豉油汁，薑味帶出微微辛辣柚子味清甜，豉油輕微少鹹，一個醬汁三種層次。辣豬肉不算太辣，肉質腍嫩惹味，夾上泡菜一齊食，更加過癮。素水晶豬肉冷麵配傳統豆花醬汁，水晶豬肉似中式肴肉，清淡得來帶點豆香味。豆花醬汁淡淡有濃厚豆香，似豆漿不甜，再加埋黃豆粉同麻醬，非常健康。韓薑菠蘿雪沙，薑味夠香濃，菠蘿不酸帶甜，呢個雪沙夠曬透心涼。