南洋家 (希雲街) (已結業)

今日同朋友去開銅鑼灣，梗係喺銅鑼灣搵好嘢食！睇Openrice 見到有間新開的南洋家（銅鑼灣希雲大廈），一於去試吓。店內的牆上面畫有各個東南亞地標的卡通畫像，很特別。食物種類和飲品選擇多，最後我哋兩個人叫咗兩個主食(羊肉沙嗲配炒飯、馬拉咖喱雞飯），馬拉盞炒通菜，椰奶珍多冰、菠蘿椰果沙冰。兩個主食的賣相好吸引，飯都砌到圓錐體，而且分量十足。馬拉咖喱雞飯，味道偏辣，我自己就十分之喜愛，雞肉肉質鮮嫩，再加上清新的配菜（芽菜、青豆、紅蘿蔔），羊肉沙嗲配炒飯，羊肉沒有羶味，而且肉汁豐富，香噴噴炒飯仲有一大片脆卜卜蝦片😋馬拉盞炒通菜鹹辣夠惹味，送飯一流。椰奶珍多冰，椰奶味香濃，配埋有咬口的綠豆粉條，十分滿意。菠蘿椰果沙冰既健康又美味，真係炎炎夏日降溫良品。