峇里餐廳 (已搬遷) 新店位置

沙嗲串燒肉質幼嫩，而且夠juicy，無燒到乾哂同燶哂。配埋佢特製嘅沙嗲醬，滋味無窮。而且有雞豬牛俾大家揀，各有風味。咖喱雞配印尼薄餅咖喱香濃，但唔算辣，好啱唔食得辣嘅人。雞處理得好好，無腥味同雪藏味，而肉質都幼嫩唔乾。個印尼薄餅出奇地好食，外層香脆，厚薄適中，咬感十足。包住咖喱雞一齊咬，係滋味兩重湊。巴東牛肉牛肉鮮嫩，牛味十足。個醬料好杰身，沾哂上牛肉到，好野味。就係D汁都夠食一碗白飯。峇里醬炒四季豆辣辣地，為清淡嘅豆添上一番風味。由舊店支持到新店，格局變靚咗，環境好咗，會繼續支持。