影片
更多
2022-08-05
87 瀏覽
去銅鑼灣行街,又係搵野食既時間!成日食來食去都係日本野同西餐,今次就試下印尼野!好耐之前工作關係去過銅鑼灣商業大廈隔離個商場,知道果頭好多印尼人既舖頭,咁應該夠晒地道啦,所以就揀左呢間Kampoeng(唔識讀)餐廳位於地庫,樓梯沿路好多印尼特產賣,行到落去發現地方都幾大,環境都唔差啦D檯都夠闊落,員工姐姐應該都係印尼人,俾左張4人檯我地,睇睇個餐牌,D價錢都幾大眾化今次點左都幾多野食,小食都點左幾個!因為好多都未試過,點完先發覺好多炸野XD🔸涼粉冰行到熱辣辣,整杯涼粉冰爽下先🔸炸黃豆餅第一眼見到餐牌就想試呢個,好似幾新奇,第一啖食落去,真係未試過既味道!甜甜地,外脆內軟咁,份量都好大,但食下食下都差不多食晒🔸煎粟米餅其實都係炸,熱辣辣咁,本身都係粟米控既我,覺得幾好食啦,但如果加D糖應該會更加好食🔸炸香蕉糕炸皮包住香蕉既炸物,用真香蕉用去整,餡料夠熱夠濕潤,食完都唔覺太熱氣🔸巴東牛肉配黃薑飯醬汁夠晒惹味,甜甜辣辣要黎送飯一流,牛肉炆得夠淋夠入味,唔黐牙,夠晒風味🔸印尼炒米粉印尼炒飯就試得多,印尼炒米粉真係第一次試,所以唔知正宗味道係點樣既,食落就係炒米粉,有D蝦片拌碟咁,係OK好食🔸生
好耐之前工作關係去過銅鑼灣商業大廈隔離個商場,知道果頭好多印尼人既舖頭,咁應該夠晒
地道啦,所以就揀左呢間Kampoeng(唔識讀)
餐廳位於地庫,樓梯沿路好多印尼特產賣,行到落去發現地方都幾大,環境都唔差啦D檯都夠闊落,
員工姐姐應該都係印尼人,俾左張4人檯我地,睇睇個餐牌,D價錢都幾大眾化
今次點左都幾多野食,小食都點左幾個!因為好多都未試過,點完先發覺好多炸野XD
🔸涼粉冰
行到熱辣辣,整杯涼粉冰爽下先
🔸炸黃豆餅
第一眼見到餐牌就想試呢個,好似幾新奇,第一啖食落去,真係未試過既味道!甜甜地,外脆
內軟咁,份量都好大,但食下食下都差不多食晒
🔸煎粟米餅
其實都係炸,熱辣辣咁,本身都係粟米控既我,覺得幾好食啦,但如果加D糖應該會更加好食
🔸炸香蕉糕
炸皮包住香蕉既炸物,用真香蕉用去整,餡料夠熱夠濕潤,食完都唔覺太熱氣
🔸巴東牛肉配黃薑飯
醬汁夠晒惹味,甜甜辣辣要黎送飯一流,牛肉炆得夠淋夠入味,唔黐牙,夠晒風味
🔸印尼炒米粉
印尼炒飯就試得多,印尼炒米粉真係第一次試,所以唔知正宗味道係點樣既,
食落就係炒米粉,有D蝦片拌碟咁,係OK好食
🔸生辣醬炸鴨
又係炸野,因為未食過炸既鴨,好自然叫想試下咩料.調味真係好夠辣,食到出晒
汗!但又好香好想食落去咁.自問食得辣既可以試下
今次做左大嘥鬼,食剩少少,已經好盡力食喇XD!埋單仲要唔貴喎,CP值幾高
張貼
