Falafel TLV (已結業)

上星期跟友人去咗中環覓食，係中環壁畫街見到Falafel 印度菜，店舖細細間，餐牌主打地道印度菜，馬上就入咗去試試先✦ Hummus with Falafel第一次試Falafel ，即係脆炸鷹咀豆！口感好特別，咬落起好爽口；而Hummus 就係用鷹嘴豆、芝麻醬、大蒜等等混合而製成，口感好滑身，夾埋自家製Pita一齊食，非常出色✦ Hummus with Chicken Shawarma我哋仲叫咗一款鷹咀豆配烤雞肉，雞肉拆成一條條絲般，連同絲滑鷹咀豆泥蓉，放入熱辣辣嘅Pita，口感層次豐富✦ Arais呢款超厚身羊肉餅，目測有5cm高，食落感覺好似食緊牛肉餅，餡料係混合了羊肉與牛肉，外皮煎得好香脆，內裏載滿牛肉與羊肉餡，十分足料！羊肉質感嫩滑又不會有羊羶味，推介必食之一✦ Lamb & Kebab with Fries and Salad 另一款就係烤羊肉煎餅，每塊羊肉餅好厚身，真材實料，羊肉好有質感，伴碟有新鮮沙律與脆炸薯條！