Curry Lounge (已結業)

去東涌工作一晝, 印度藉同事介紹海堤灣畔地下有間印度人開的餐廳, 味道幾正宗, 即管一試. 因為位置唔算市中心, 而且無閒日, 所以唔係好多人. 餐廳入面都幾大, 有大屏幕播緊印度歌曲完全feel到係印度人開. 老細出黎親自招呼落單, 兩款lunch set雞肉咖喱同羊肉咖喱都試哂, 好香香料味, 食落就知係正宗印度味道, 而且辣度適中, 配印度飯或者印式薄餅都非常開胃配菜仲有豆蓉同印度烤雞, 都非常好味, 整個set都好豐富. 餐飲可以選汽水或者印度奶茶, 奶茶有好重薑味同黑茶味道, 加羹糖會好飲好多. 最後幾個人叫多杯生啤嘆多陣先走, 非常滿意的一餐. 而且價錢得宜, 真係值得再返轉頭