喀什米爾咖喱屋

營業中

休息中

同男朋友去深水埗買電視，行過餐廳見到門口有小食賣，於是口痕試吓。門口嘅印度人識講純正嘅廣東話，問佢有咩推介就介紹咗薯仔咖哩角，$14兩件。啱啱新鮮炸好，熱辣辣，咬落去外皮好酥脆，餡料好重香料味，而且薯仔係一粒粒，有咬口，我哋仲配埋另外叫嘅咖喱雞汁一齊食，果然香料同咖喱味好夾，點左咖喱更加好食一件份量好大舊(差唔多半個手掌)$14有2件好抵食另外仲叫咗咖喱雞配薄餅$55一打開蓋俾層油嚇親，於是男朋友即刻撈埋啲雞(感覺食左冇咁有罪惡感)，啲雞煮到好軟身，肉質幾嫩滑。主角咖哩食得出係有好多香料煮成，而唔係普通溝咖哩醬開出黎，月桂葉味好香，而且食落帶點辣，好過癮，食到頭皮有少少發麻但略嫌薄餅有點油，食落有點膩，如果做到好似手抓餅嘅效果就好了。