Dilliwale

營業中

休息中

今日喺銅鑼灣閒逛，見有啲餓就喺附近搵嘢食。最近咩都食過，想食啲冷門嘅，見呢間喺樓上嘅印度菜鋪頭好似幾唔錯，就搭lift上去試吓！ 😙😜一開lift門已經有個中東籍嘅侍應用英文同你招呼，喺近窗口揀咗個環境好舒緩嘅位置坐低，就有另一個侍應嚟同你點餐。👍🏻佢嘅侍應應該都係印度人，好有禮貌同好熱情，英文都唔錯，所以點餐無難度！ 😆😀講返嘢食先，我哋先揀咗乳酪脆米球，好快就嚟咗，一嚟就見賣相一流，有六粒，每粒都好飽滿，拎上手有重量，食落口好fresh同凍凍嘅感覺，啲乳酪同脆味好有口感，配合得剛剛好！🤩😘 然後叫咗個瑪薩拉咖喱烤雞，剛嚟到已經好大浸好香嘅咖喱味，不過就咁食太濃味，所以通常叫個烤餅一齊食，而我哋就叫咗個蒜蓉烤餅啦。二話不說就搽啲咖喱落烤餅度一齊食，嘩簡直係人間極品！🤤🤤啲咖喱嘅辣度剛剛好，雞肉肉質鮮嫩，而且好多塊，一啖烤餅一啖咖哩雞肉，食到舔舔脷！ 😊😋之後叫咗個甜品，甜奶球配特式甜絲，個賣相已經好吸引，好似一杯飲品咁，有兩塊吸滿咗奶嘅餅一食落口，果陣甜奶味真係好好味！真係好有特式嘅印度甜品！🤪🤪 飲品就叫左杯芒果乳酪，好濃味，而且有啲香料喺入面，非常與別不同嘅好味！😚