Saravanaa Bhavan (已搬遷) 新店位置

已經係第二次來呢間餐廳，好味既素食真係唔多選擇，所以都係約朋再來多次。印度裔既店員都好親切，好樂意教啲印度菜名點讀，食一餐印度菜簡直好似置身印度咁。一開始當然要飲返杯lasi，呢度既lasi好有正宗印度風味。炸磨菇呢碟係我今餐最愛，同平時食既好唔同，雖然其貌不楊，但好香好好味，加上洋蔥炒更加惹味。北印度套餐我最喜歡白色既yogurt，送飯一流。其他醬汁都各有特色，最啱一齊分享，不過有一兩款真係太辣，我同朋友都食唔到。最後就係洋蔥pancake，雖然呢個啲醬汁無套餐個啲咁多選擇，但個pancake本身都唔錯，粉團入面加左好多洋蔥，香味十足。