哈比斯燒肉串和咖哩 (鴻圖中心)

營業中

休息中

同事今日放工突然扯住我，話知我乜都食，叫我陪佢去觀塘食kebab，我本身興趣不大都唸住唔去喇，但同事係咁話好好食，個味道好過癮，包我食過話正又話自己食好無癮，講到咁，一於試下新野都好玩嘅。老實講呢間鋪真係難搵，我自己行街好難會行到呢到，不過呢D好小事姐，都係睇好唔好味姐。呢間餐廳一睇就係中東美食嘅feel，主要賣kebab同炒飯，店面好細，台凳唔多，應該主打外賣生意。我就試左個聽落去最正常嘅烤牛肉kebab，真係一試難忘，牛肉烤得好香濃，雖然有小小干，但係有好多新鮮切碎嘅生菜搭救，一起食都唔會好dry，仲有d清新嘅感覺，搭配好好。不過呢個唔係重點，重點係masala呢隻香料，真係第一次試呢種香料，酸酸辣辣，帶D咖喱味，勁濃而好復合嘅香料味，從喉嚨直衝頭殼頂，完全上曬腦，打通曬經絡咁，即刻醒神曬，即刻令成個kebab越食越刺激，搭配埋沙律醬，真係停唔到口，勁正。同事真係無介紹錯，第一次食kebab嘅感覺係好食之餘又勁刺激，真係好正宗嘅中東風味，我唸我有時口淡淡都會黎食個kebab刺激下味蕾，爽!