六合小巷 (已結業)

成日番屋企都會經過呢間台式餐廳，台灣菜真系食極都吾會厭👍🏼又平又可以食得飽。六合小巷位於北角電廠街，其實近炮台山，要去都算方便。環境充滿台灣氣氛，令人彷如置身台灣夜市中。次次食台灣菜都會食鹽酥雞，黎到呢度亦吾例外。鹽酥雞香脆可口，不過鹽酥味就遜色啲，食食吓可以食好多件😁送飯一流。滷酥豬扒飯，原本有諗滷酥雞扒飯，不過已經叫咗鹽酥雞🐔所以想食滷酥雞扒飯。店員就話冇曬滷酥，最尾轉咗普通雞扒飯。普通雞扒質素都ok，啖啖肉，如果飯多啲滷汁就好。古早藥膳台灣牛肉麵，台灣菜必食牛肉麵🐮好彩藥膳湯味吾系好濃，對我黎講仲好，啲湯算重牛肉味。牛肉軟稔多汁，成個組合充滿台式風味。朋友同我分別叫咗珍珠奶茶🧋同埋茉香奶茶，珍珠奶茶奶同茶比例好均勻！茉香奶茶茉香味濃郁。最後叫咗黑白配，即白玉豆花拼燒仙草🤍🖤豆花配以牛奶奶香味豐富🤍白玉、紅豆🫘仙草等配料混合味道不俗。