老鍋台式火鍋 (金馬倫道) (已結業)

下個禮拜終於會跌穿20度喇，有返少少踏入冬季嘅感覺🌬 依個情況下，就當然係時候介紹大家去打下邊爐啦！依間台式火鍋店係銅鑼灣同尖沙咀都有，今次就去左尖咀分店~ 店內裝潢以黑桃木作主調，充滿中式古代風。坐位間格幾好，四個人去就坐得最舒服😬 鍋底就主打麻辣，酸菜白肉，膠原蛋白美人鍋同藥膳養身鍋。鐘意食辣嘅朋友仔就一定要試麻辣喇~-老鍋秘製麻辣鍋($158) 未放火鍋食材個鍋就已經有好多配料。湯底味道非常濃厚札實，因為除左香料味(例如花椒，八角，辣椒乾) ，仲會放入藥材。令整個味道辣得嚟唔會太單一。麻味就唔會好重，餐廳建議要重麻嘅話就最好order大辣🌶 鍋底仲會附送埋鴨血同凍豆腐，認真足料！*老鍋丸餃井字盤 “蛋餃+墨魚丸” ($98) 井字嘅擺法真係幾特別，蛋餃嘅皮好薄身，但又唔會話好易爛。墨魚丸就然落雪白，咬落彈牙幾新鮮~🤗*台灣蒜香腸($48) 叫返少少台式小食，太掛住台灣夜市食到嘅香腸喇~ 啱啱煎起夠哂熱，入口幾重蒜味🧄，而且陣陣油香。*千張豆葉紙($48) 真係一張紙咁薄，帶淡淡嘅豆味，放湯滾一陣就食得，掛湯能力💯！*老鍋台灣麵($58) 分開綠茶同當歸味。見到可以放鍋食又或冷食。