茶茶台式料理 (已結業)

今次去一間位於旺角豉油街,結合左台式飲品嘅台式餐廳，位置方便，座位舒適。首先叫咗佢哋最招牌嘅臭臭鍋，有肥牛，鴨血，米血糕，臭豆腐，金針菇等等蔬菜，非常豐富，當中最有特色嘅係臭豆腐，不同於港式臭豆腐，依種臭豆腐味道更加濃烈，豆味亦好香，米血糕煙韌唔黏牙。再嚟有脆皮肥腸，相當香囗，辣度亦剛剛好，如果有酒就一流。另外係芝士肉鬆蛋卷餅，傳統台式小食，外脆內軟，必定要一試。仲叫咗個涼拌青瓜，係一款相當開胃小菜。