一芳台灣水果茶 (已結業)

其實一向都好喜歡飲台式飲品，但係市面上嘅選擇雖然多，但係好多都唔知飲緊啲乜嘢味粉加奶精再加唔知乜色素。嗰日咁岩同老婆講開話如果有一間可以比真材實料我飲我寧願俾貴幾蚊。終於喺朗豪坊行過嘅時候見到呢間野，一望就俾個門面吸引左我，開頭以為係賣日本野拉麵之類，哈哈，原來係賣台式珍珠奶茶！雖然等左半個鐘但係係值得嘅，老實講好唔好飲就見仁見智，我就覺得起碼真係見到佢用茶葉煲茶同用鮮奶唔係用奶精，飲都飲得安心啲先。睇埋佢嘅裝修又話賣台灣傳統口味，所以下次行過都應該會試埋其他款式😋