段純貞牛肉麵 (Tower 535) (已結業)

唔使去台灣都可以食到嘅正宗台灣牛肉麵，網上睇呢間牛肉麵好多人讚正宗又好食。朋友又想試。食台式全餐，包台式小吃、一碗牛肉麵，一杯珍奶。叫咗半筋半牛牛肉麵，小食就揀咗鹽酥雞，招牌珍珠奶茶。睇住餐牌已經流晒口水，雖然午餐時段，但落完單已經好快送餐。大大塊牛內，食落好軟腍，牛肉好入味，肉完全唔會柴，好好味，湯底好濃稠，連湯帶麵食，入囗濃稠黏口，特別滋口。小食鹽酥雞大大舊，大約有5，6舊，分量十足，鹽酥雞食落口感一般，炸粉太多，雞肉比較乾身，比較失色。招牌珍珠奶茶茶味唔太突出，珍珠甜度剛剛好，無太大驚喜。整體牛肉麵最出色，保持水準，而店員有禮貌，耐心介紹牛肉麵，一定會再食，推薦。