台灣ET鹽水雞 (符興街) (已結業)

因疫症關係，無得去旅行，好掛住台灣美食，咁岩係上水見到一間咸水雞，呢間之前都幫襯葵芳廣場，記得幾好食，今次見佢係上水開左分店當然幫襯一下，今晚可以加餸，佢都有分A-D套餐，我哋叫左D餐，辣度都有分，唔食得辣既朋友仔都唔洗擔心，可以選擇唔辣，D餐份量會比較多，半隻雞加6個配菜，見到配菜選擇都比較多，樣樣都好想食，最終係選擇左蟹柳，米血糕，皮蛋，豬耳，魚蛋，麻吉燒！半隻雞份量都好大份，一個食物盒都係滿晒，我選擇左BB辣，但係我覺得完全無辣度，下次食可以再叫小辣或中辣，個醬汁味道差少少，其他配菜都好新鮮。我自己比較鍾意魚蛋同米血糕食落好煙韌，而豬耳好爽口！另外加$10 配珍珠米/ 麵，不過叫左半隻雞要加6個配菜，兩個人食到好飽，今次無加到，下次可以多人啲再加黎試下！