影片
更多
2023-02-21
528 瀏覽
過中環做嘢，忽然間好想食叻沙，記起蔡瀾曾經介紹過尼間在上環嘅餐廳，於是特登搭車過嚟試新嘢。我唔熟悉上環，喺地鐵站出嚟用Google map 搵咗陣至搵到。間餐廳喺條橫街，俾泊喺路邊嘅車輛遮住晒。去到嘅時候係中午十二點，餐廳里已經半滿，侍應都係啲上咗年紀的伯伯。睇咗餐牌，叻沙價錢唔平，決定要碗正宗叻沙，目的就係睇吓佢有幾正宗。叻沙好快上枱，第一眼嘅感覺良好，顏色同叻沙湯嘅稠密度都似樣，最緊要嘅係上面嗰幾隻獅蚶，係香港真係冇乜地方有。試吓叻沙湯底，非常之唔錯，唔太辣又鮮甜濃郁。麵嘅份量唔多，配菜方面有魚片、蝦、豆卜同蛋，都係好一般但正宗嘅配搭，整體來講，同我喺馬來西亞食嘅叻沙不相上下。找數90蚊，唔平，畢竟係特色午餐，加上好味，抵俾
我唔熟悉上環，喺地鐵站出嚟用Google map 搵咗陣至搵到。間餐廳喺條橫街，俾泊喺路邊嘅車輛遮住晒。去到嘅時候係中午十二點，餐廳里已經半滿，侍應都係啲上咗年紀的伯伯。睇咗餐牌，叻沙價錢唔平，決定要碗正宗叻沙，目的就係睇吓佢有幾正宗。
叻沙好快上枱，第一眼嘅感覺良好，顏色同叻沙湯嘅稠密度都似樣，最緊要嘅係上面嗰幾隻獅蚶，係香港真係冇乜地方有。
試吓叻沙湯底，非常之唔錯，唔太辣又鮮甜濃郁。麵嘅份量唔多，配菜方面有魚片、蝦、豆卜同蛋，都係好一般但正宗嘅配搭，整體來講，同我喺馬來西亞食嘅叻沙不相上下。
正宗叻沙
$90
33 瀏覽
0 讚好
0 留言
找數90蚊，唔平，畢竟係特色午餐，加上好味，抵俾
張貼
