串王之王 - 正宗成都串串火鍋 (已結業)

終於有機會一嚐四川串串鍋-串王之王。呢度提供任食串串火鍋，正價$248/位任食90分鐘，準時交枱，完前20分鐘last order。7點前離坐，二人同行，第二位半價，真係好抵食！就算用正價食都好抵食，可以選擇兩款火鍋湯底及兩款小食！湯底選擇左麻辣及藥膳兩款。雖然自問都算係”辣妹”，不過老闆建議小辣試試。老闆建議果然正確，湯底有泡椒，仲有滿滿紅油，辣過番尋味。當辣到一個點頂唔順，又轉轉場食番養心藥膳鍋，可以暖暖胃，再接再厲四川辣鍋🤣食物選擇多樣化，有少見牛肉卷，牛肉經過俺製，香味濃厚。雪櫃大部分都係竹串而成，唔好以為一串分量好少，食幾轉串串而已好飽，另有一碟碟食物，好運的話，會有青口等海鮮食到。