源味開元米線 (已結業)

自從食過深圳既烤魚，對烤魚一直念念不忘。香港都愈來愈多呢類型既烤魚，今晚行過長沙灣見呢間新開，睇下有無深圳果d咁好食🤤入面裝修都有用心畫左d壁畫座位都闊落。店員都好熱心，會介紹邊款魚適合咩味道。我們點左酸菜蒜香烤魚 (配桂花魚) 微辣份量幾大，個酸菜湯底幾濃，唔係好酸，蒜香味較突出呢度既辣比較辣，微辣對我們岩岩好。桂花魚好滑好厚肉😍店員仲拎左條魚出黎比我們睇真係好大條，好新鮮生猛💦個魚肉食左成餐都好滑，完全唔老。另一個鍋點左 香辣烤魚（配江團魚）小辣呢個望落都覺得火辣🌶開頭唔係太辣，點知愈食愈有味，真係好香辣😍正🌶 呢個魚雖然都係煎過，但配呢個香辣個惹味程度更高個皮好香，真心好食，而呢隻江團魚對比下肉冇咁厚。配料方面火鍋寬粉，呢個麵真係萬能key ，配乜湯底都好夾，好爽口彈牙。手工麵呢個要推薦👍🏾👍🏾👍🏾好好食，麵質好彈牙。原來店主自己整😯真係必點📝小食方面源味口水雞🐓個汁好正宗既感覺，雞都入味同滑👍🏾飲品方面健康爽芒好fresh 💦芒果味好濃，唔會太甜，飲落好舒服🍃