渝人碼頭 (已結業)

平時喺灣仔返工，經過渝人碼頭都想入去試，所以特登搵日放工約朋友嚟！舖面裝修好靚，好有中國風。我地揀咗酸蘿蔔老鴨湯底，酸味唔會太重，肉味鮮濃，飲完即刻暖笠笠。至尊牛肉拼盤，有齊唔同部位嘅牛肉，厚切牛肉無論質感同肉味都比一般肥牛出色好多。綜合手工丸子拼盤，有齊手工墨魚丸蝦丸等四種丸子，鮮味十足又夠彈牙！🤓碼頭三寶，有黑毛肚、鵝腸同黃喉，灼熟咗非常爽口彈牙！！新鮮菜苗直情成個盆栽咁上，即場剪落嚟放入鍋，好似去咗農場即摘即食咁！😀😀三秒海帶顧名思義淥三秒就ok! 超爽口！整體質素好滿意，尤其湯底超級真材實料，食材全部都好新鮮，絕對值得再嚟😋😋