川婆婆 (已結業)

同絲打去傾心事。聽講旺角開咗間新嘅川婆婆。入咗去，全新裝修。粉紅色為主調嘅裝潢， 少女心爆發。 靚到我地狂打卡影相。座位寬敞。最緊要冷氣夠涼。湯底點左招牌鴛鴦鍋，小辣。麻辣好惹味。美國安格斯雪花牛 雪花均勻， 肉味好濃， 用麻辣湯底去淥，油脂甘香惹味。烏魚片 第一次食烏魚片， 食落好新鮮， 肉質腍滑， 一啲都唔腥， 啲鮮未出曬嚟。桂花牛肉釀竹笙 呢個組合好鬼特別。牛肉滲出淡淡嘅桂花香味。用竹笙去包住淥會冇咁易老，good idea。鴨血好大件。口感結實，爽滑，食落一啲都冇血腥味 。用麻辣湯底去烚熟好惹味。豆腐皮。第一次食豆腐皮， 薄得好緊要， 而且口感好腍滑， 充滿豆香。娃娃菜份量頗多，都幾新鮮。招牌紅薯粉。紅薯粉好正，條條夠粗， 又夠厚身。 烚腍咗之後， 變到晶瑩剔透，好有口感q彈。