Andy's Garage (已結業)

超正墨西哥菜-Nachos($148)司令成日都食三角形嗰隻墨西哥脆片😜，黎到墨西哥餐廳梗係要食返一份正宗架啦，脆片上面有大量嘅芝士、番茄、牛油果醬、酸忌廉、墨西哥辣椒，配埋少少肉，超級大份，四個人分都有好多，熱辣辣咁放入口，配返杯啤酒，真係超正呀喂。-Tacos($158)唔知係唔係細細個睇外國電視劇睇得多，司令對Tacos特別情有獨鍾😂，難得見到梗係又要食一份啊，粟米卷包住烤雞肉，配埋生菜、莎莎醬、酸忌廉、芝士，雖然容易跌到周圍都係，但味道一流，同司令一樣鍾意食異國風情嘅嘢嘅朋友不妨去試一下😙。-Pepperoni Pizza($118)Pizza嘅配料好簡單，有莎樂美腸、茄汁同埋芝士，一上枱真係嚇左一嚇，啲芝士係極度極度多，一扯起塊Pizza，啲芝士拉絲拉到下世紀，入口芝味極濃，好正啊！不過一定要趁熱食，因為凍左嘅話真係極漏啊😂。