客家人

營業中

休息中

我本身自己好鍾意食客家菜，不過而家喺香港搵正宗客家菜已經好難，我朋友試過話呢間喺長沙灣嘅客家菜唔錯，所以今日就去試吓。去食客家菜，梅菜扣肉係必點，佢地d扣肉，肥瘦均勻，唔會過肥，d肥肉食落好軟滑，完全唔感覺到肥膩，d扣肉整到好入味，而d梅菜吸收晒d醬汁，非常惹味，d醬汁調教得啱啱好，一d都唔咸。三杯雞食得多，三杯鴨都係第1次食，所以叫黎試吓，好濃郁嘅玻璃醬汁蓋住d鴨肉，未食個賣相已經贏晒，食落d鴨肉炆得非常淋，完全入晒味，完全冇肥膩感，個汁撈飯一流。最後叫咗個雜菜煲，個煲都幾多料，有魷魚仔、蝦米、粉絲同各類菜，個湯底清清地，都幾好飲。