珍一料理 (榮高樓) (已結業)

一到夏天，天氣好熱，成個人無曬胃口，只想食啲酸酸辣辣啲涼拌嘢。咁啱係旺角行街，經過珍一料理，聞到陣麻辣香味，即刻流曬口水。於是決定外賣涼拌返屋企食。餐廳衛生唔錯，睇落乾淨整齊，所有涼拌菜鹵水放係玻璃櫃，又清楚又衛生，啲菜品明碼標價。王牌料理夫妻肺片$55 裡面有豬耳、牛肉、牛肚等，小辣。唔食得辣嘅個小辣都接受到，辣油好香口，唔單辣仲有麻，麻辣味越食越上癮。豬耳牛肚夠爽，牛肉好厚實，滷過水跟住撈埋啲麻辣醬汁，夠曬味又開胃。四喜烤麩$28，烤麩好似舊豆⺊啲嘢，吸曬五香滷水，夠重味。木耳好爽脆椒麻雞半隻 手撕雞都雞新鮮，雞肉好滑，沾滿椒麻醬，食多兩啖，成條俐同嘴唇麻到陣下陣下。正！涼拌麵好清新，青瓜絲好足料，夾埋酸酸辣辣嘅醬汁，食落好清新又開胃。