新巴蜀風 (已結業)

呢間四川菜感覺相當霸氣，全晚大部份客人都係國內人士，仲有一班土豪包廂，大開矛台，照計呢度嘅川菜真係無死啦。前菜係醃青瓜，唔酸亦唔辣，只帶微感，幾好。夫妻肺片，超好味，牛舌，牛肚加牛𦟌，麻辣足料，夠麻又夠辣，配埋芹菜食一流。乾辣牛𦟌，相比之下夫妻肺片就出色得多，呢個食落有一種食薯片嘅感覺，隻味的確好似。水煮魚片，唔算太辣，魚片好滑同時切得功薄，刀工一流，可惜係配芽菜唔係配粉皮。白飯可以揀粟米或者番薯，好特別。青椒炒薯絲，只有呢個係唔辣，好有青椒香味，唔錯。整體都好唔錯，好有風味，比一眾國內人士圍住，講普通話多過講廣東話，不過理應咁先叫正宗掛。