Etna (已結業)

今日嚟到天后金輪天地呢間Etna食意大利菜。 餐廳裝修優雅 ，寬敞舒適，而且仲有劃分戶外區同室內區。 可能因為下午天熱，所以戶外區冇開放，應該會喺夜晚開放俾人品酒談心。 睇完餐牌我哋決定食 lunch set。 前菜方面我叫咗個 Daily soup , 今日個daily soup係南瓜湯, 南瓜湯又creamy又重南瓜味，十分好飲。 是朋友就叫咗個Octopus potato salad， 佢嘅八爪魚片好新鮮好好食，配埋香草醬同薯仔片成個沙律真一流。 主菜方面朋友叫咗 Sole fish roll， 其實係將魚柳卷成一卷煎，配 orange butter sauce, 酸酸甜甜好好食 。另一個主食就叫咗Grilled beef Striploin Steak 牛扒order咗七成熟，切開軟淋適中，好重牛味， 而且火侯掌握得十分好，牛扒一啲都唔硬。Dessert ~ Panna cotta with berries， 好似牛奶布甸一樣口感香滑,  配埋berries酸酸甜甜，一流水準。我哋分別叫咗咖啡同凍檸茶，佢哋咖啡都好出名， 個人覺得值得試。