南대門3號

營業中

休息中

水冷麵 $75夏天咁熱最好食水冷麵，食落透心涼，水冷麵口感柔軟煙韌，配上清爽青瓜絲同雞蛋，再配上牛肉，牛肉肉質都算實，整體味道清新。紫菜包飯 $66通常食韓國菜都會諗起紫菜包飯，今次都唔例外，紫菜包飯嘅味道同口感都中規中矩，冇話特別驚艷，但係單純好食，略嫌味道有啲淡，相信紫菜包飯淋上沙律醬或者加上更多醬油會更加好味~牛肉海帶湯 $88牛肉海帶湯配白飯，口感清淡，湯汁清澈，牛肉味道鮮美，配上足料海帶，海帶同牛肉都有豐富嘅蛋白質同維生素，牛肉吸入海帶湯，牛肉同海帶經煮後， 兩者味道合而為一，加上韓式麻油香，令味道更加昇華。