Baan Phadthai (已結業)

好開心今晚我同老公係呢度試到正宗好味既Thai菜！點解我哋知道係正宗，因為我老公曾經係泰國做過幾年野，所以一試就知真與假！以上係我地試食報告🔖：馬拉盞炒通菜😍通菜鮮嫩翠綠，炒得非常惹味香口，夠晒鑊氣，辣味同鹹蝦味恰到好處，非常棒！沙嗲雞串😚雞肉大件嫩滑，外脆內軟，完全唔油膩，岩晒愛靚既女士食！而醬料係自家製，食得出係家鄉既味道！燒豬頸肉炒金邊粉😝成碟充滿泰國風味！金邊粉夠晒爽口彈牙同煙韌，而且炒得好均勻，唔會一啲粉無味，一啲太鹹，而豬頸肉醃得好入味好均勻，令人食到停唔到！青咖哩雞☺️雞肉滑嘟嘟不在話下，而青咖喱味道濃郁，夠晒味，而且內裡椰奶令青咖喱好滑好creamy，令成個雞既味道同層次發揮到極致！