彩aya

營業中

休息中

相比濃郁嘅豬骨湯, 我更喜愛奶白色口感幼滑嘅雞白湯湯頭。呢間拉麵店嘅雞白湯係用特別嘅高壓技術製作出絕無添加味精嘅濃郁雞白湯! 即使一路食麵一路飲哂成碗湯麵唔會口渴, 證明有幾真材實料! 拉麵方面得揀柚子味拉麵, 但由於太受歡迎所以今晚賣哂, 得番小麥麵! 廚師特登喺碗邊提供胡椒味柚子醬, 補償返想食柚子味道嘅食客, 又幾細心wor☺️拉麵麵質十分彈牙而且掛湯。除咗招牌雞白湯之外，呢度仲有一款特色拉麵W雙湯頭(雞白湯+櫻花蝦+鰹魚湯) 配料除左有傳統嘅豚肉之外, 仲有充滿海鮮鮮味嘅日本廣島蠔同埋大蜆, 湯頭亦有非常鮮甜濃郁嘅蠔味, 非常特別! 店員細心提醒炸牛蒡要趁熱食同埋唔好浸落湯, 如果唔係就會失去左香脆嘅口感😶 雖然人多嘅時候等嘅時間長左少少, 但美食係值得等待嘅😌 下次掛住日本🇯🇵嘅拉麵時, 不坊黎呢道重拾正宗嘅日式拉麵🍜風味❤️