鮨政 (已結業)

我地先叫雞泡魚干😽魚干煙煙韌韌，好有咬口，燒到脆脆地，好香魚味，點啲沙律醬咁食就仲香啲，做小食一流。另外再叫燒鯖魚😸鯖魚卷到外皮焦香，見到啲魚油滲出黎，鯖魚好厚肉，實實地幾有口感，再加啲檸檬汁提鮮，唔腥魚味濃，正呀！壽司方面我地就叫佐三文魚子軍艦🫶🏻三文魚子新鮮大粒，粘粘地好濃三文魚味，好新鮮呀；香蔥吞拿魚腩軍艦👏🏻鮮嫩既吞拿魚腩好肥美，份量好多，配上香蔥同埋紫菜食，口感好豐富好正；海膽壽司👍🏻海膽好濃味，好鮮好稠，好實在既感覺，超級好食；醋青魚壽司🤞🏻青魚肉質爽爽的，而且又唔腥，不過魚味就相對較淡，但加上香蔥就鮮味啲，特別；金目鯛壽司✌🏻魚肉係粉嫩色既，好新鮮呀，好爽滑好好食，點少少豉油好鮮；大吞拿魚腩壽司🤟🏻呢個簡直世界級，從未係香港食過咁好食既，一入口滑落喉嚨咁，好嫩好好味，神級鮮味，超超超正呀！