天扶良 (已結業)

銅鑼灣的日本餐廳概括都有二百幾間, 質素都非常參差 , 簡單一個細節位可以睇到 該餐廳是否正宗, 就是坐低會上茶同畀條熱毛巾你抹手。茶碗蒸し 溫度啱啱好 (注:近排去過某餐館,熱到連個碗都揸唔起)有日本師傅駐場, 天婦羅的質素一定沒有懷疑👍午餐成為二百多元有:前菜, 天婦羅,刺身, 日本米飯跟漬物,甜品,茶啡。喜歡正宗日本菜的原因就是他們注重細節, 食材都會跟季節而轉變 正如個甜品係有清爽的蘋果加薄荷葉 , 夏天食落去真係大快人心。(注:甜品的賣相 唔係太吸引, 但食落口就另眼相看) 總結嚟講食物質素ok師傅功夫到家, 但侍應的服務上可改進,例如:上菜的次序, 可以多注意!跟客人加茶與及食完空碟收走。