水木日本料理 (已結業)

仲未有得去旅行，就暫時食下外國菜去止下癮先🥺 今次去呢間位於灣仔嘅日本料理，餐廳嘅裝修風格好雅致，用上木為主調嘅裝修，座上客有大量日本人😳 感覺真係好似去咗日本咁！🥰天氣越嚟越凍就叫咗個蟹鍋暖下身身子，日式嘅shabu shabu同我地既火鍋最唔同嘅係，前者會比較健康冇咁油膩，有時食得多港式邊爐都會想試下唔同口味。而呢個鍋物用上海鮮木魚湯底，清清地之餘但鮮味十足，鍋物有原隻蟹、老虎蝦、元貝、蜆肉、蠔、豆腐金菇同大量蔬菜，份量都唔少，每樣食材都食得到原材料嘅鮮味，好正！食到咁上下再淥埋個稻庭烏冬，沾上芝麻醬，絕對係完美嘅一頓飯。