八海山

營業中

休息中

尖沙咀寶勒巷有一間已經係香港開業21年嘅日本居酒屋，可以經歷咗咁耐都做得住，證明食物質素一定有保證，今日就相約朋友一齊行完街，之後過嚟食飯餐廳裝修風格有日本風情，呢度餐廳嘅老闆除咗可以講流利日文，仲可以講流利嘅廣東話同國語，用餐當日都見到好多日本人光顧，證明呢間餐廳有一定嘅實力，呢間居酒屋主打日式家庭料理，大部份魚生都係來自東京✨汁煮牛脷牛脷非常大粒，牛味濃，炆到好入味及好淋✨雞泡魚乾燒到質感好軟綿，好入味，送酒一流✨芒果🥭蟹子沙律85芒果係當季水果🥭，非常之香芒果味同埋好甜，鋪滿晒成個蟹子沙律超正，蟹子都非常之多，青瓜同沙律菜都非常之爽甜，夏日消暑必食推介✨元氣豆腐$90呢個係非一般嘅豆腐，豆腐中間有溫泉蛋，三文魚籽，吞拿魚蓉，同日本人最愛嘅納豆，個豆腐上邊仲有少少七味粉，咁多款食物加埋一齊，好多種層次感✨秋刀魚刺身$250餐廳老闆介紹，秋刀魚當造季節係9月至12月，我哋立刻叫咗一條黎試下，唔好睇平日秋刀魚細細條，做刺身都非常多肉，秋刀魚魚肉好鮮甜，一啲魚腥味都無，仲有淡淡的油脂香，老闆推介我哋點柚子醋汁加蔥、薑蓉、日本蘿蔔一齊食，口感會更豐富✨牛油燒帶子 $100帶子大大粒非常厚肉