影片
更多
2017-07-21
1436 瀏覽
今日老闆帶埋幸運的我同尊貴嘅日本客人食午餐。老闆一早已經搵秘書安排好黎到呢間好有日本感覺嘅餐廳食飯。門口好容易認出, 有隻蟹做招牌, 有日本風。午市餐牌選擇唔少, 有丼飯, 便當等, 估唔到午餐連都有omakase食, 真係有驚喜!!餐廳環境完全係正宗日本風格, 吧枱位可以欣賞大廚嘅手藝, 另外有2個卡位, 可以俾客人傾計。環境唔算大, 有日本精緻小店的感覺。安排了迷你版懷石料理套餐, 上菜好靚好精緻, 好似一幅畫甘靚, 唔會因為係迷你版而馬虎, 睇得出大廚的用心同藝術氣質。魚生有吞拿魚同深海池魚王, 吞拿魚係赤身部位, 雖然唔係入口即溶, 但魚味足夠, 柔軟無筋。池魚王新鮮無腥味, 肉厚, 一樣好柔軟, 好味!!!左下係蟹肉茶碗蒸, 蛋好滑溜, 蟹肉份量都唔少, 上面嘅蟹肉汁提出鮮甜味道, 加上滑溜溜嘅蛋, 口感一流。上面長方型盤有粒好似西瓜嘅食物, 店員講解話係用明太子扮西瓜的, 像真度高, 明太子有少少酸, 幾開胃的!!!煮物: 汁煮鮟康魚, 用上少少醋埋茨汁, 鮟康魚肉質鮮嫩, 無腥味, 配上酸酸地嘅醬汁同爽口嘅蔬菜, 好開胃同好好味!!!炸天婦羅有期待以久嘅蟹肉, 天婦羅炸得
門口好容易認出, 有隻蟹做招牌, 有日本風。
午市餐牌選擇唔少, 有丼飯, 便當等, 估唔到午餐連都有omakase食, 真係有驚喜!!
餐廳環境完全係正宗日本風格, 吧枱位可以欣賞大廚嘅手藝, 另外有2個卡位, 可以俾客人傾計。環境唔算大, 有日本精緻小店的感覺。
安排了迷你版懷石料理套餐, 上菜好靚好精緻, 好似一幅畫甘靚, 唔會因為係迷你版而馬虎, 睇得出大廚的用心同藝術氣質。
魚生有吞拿魚同深海池魚王, 吞拿魚係赤身部位, 雖然唔係入口即溶, 但魚味足夠, 柔軟無筋。池魚王新鮮無腥味, 肉厚, 一樣好柔軟, 好味!!!
左下係蟹肉茶碗蒸, 蛋好滑溜, 蟹肉份量都唔少, 上面嘅蟹肉汁提出鮮甜味道, 加上滑溜溜嘅蛋, 口感一流。
上面長方型盤有粒好似西瓜嘅食物, 店員講解話係用明太子扮西瓜的, 像真度高, 明太子有少少酸, 幾開胃的!!!
煮物: 汁煮鮟康魚, 用上少少醋埋茨汁, 鮟康魚肉質鮮嫩, 無腥味, 配上酸酸地嘅醬汁同爽口嘅蔬菜, 好開胃同好好味!!!
炸天婦羅有期待以久嘅蟹肉, 天婦羅炸得香脆可口, 唔油膩, 即炸完上桌, 小心燙口。
蟹腳天婦羅好好味, 天婦羅薄薄嘅脆漿包裹肥嘟嘟嘅蟹肉, 保持蟹肉嘅嫩度, 食落鮮嫩多汁, 蟹味濃, 大愛。
燒物係鱈魚西京燒, 鱈魚魚油味濃郁, 唔太咸, 味道剛剛好。
最後黎到釜飯, 原隻毛蟹拆肉一齊煲飯, 大廚親自上菜, 令人受寵若驚, 大廚一邊攪拌飯, 香味四散, 令人食指大動。
蟹肉釜飯調味恰恰好, 食落一絲絲蟹肉, 令人好回味!!! 好想自己一個食哂一煲飯!!
食完成個餐後, 當然有甜品做總結, 甜品係水蜜桃, 哈蜜瓜伴果凍。水蜜桃同哈蜜瓜都係日本的, 水蜜桃好甜好多汁, 哈蜜瓜好似入口即溶, 好好味!!! 果凍加上爆炸糖, 食落好得意。一個甘美好嘅甜品為成個懷石料理劃上一個完滿嘅句號!!
店員服務好好, 面帶笑容, 上菜時會為你介紹菜式, 而且餐廳會為客人奉上熱毛巾清潔雙手, 係一項好貼心嘅服務! 成餐飯, 我對老闆心存感激, 食得開心!!!
張貼
