肉骨皇 (已結業)

大坑美食多，今次就搵咗一間馬來西亞菜試吓佢嘅肉骨茶，間舖頭係沅紗街尾，唔係好起眼。老闆娘好熱情咁推介佢哋嘅肉骨茶，本身想食乾肉骨茶，但佢話近期濕氣重，飲啖湯會好啲，所以叫咗個細份肉骨茶，仲叫咗個‘辣死你媽’怕唔夠飽肉骨茶有分星加坡同馬拉派別，星加坡就淺色一D，胡椒味比較重，呢套就係馬來西亞版本，深色一啲同埋藥材味比較重。肉骨茶好重肉味，加埋D支竹、豆卜一齊飲非常暖身，椰漿飯過椰子味好濃。兩款都好有馬來西亞嘅風味。臨走嗰陣，老闆娘話乾肉骨茶等返下次有晚市嘅時候，餸下啤酒咁先正。