船皇 (大埔超級城) (已結業)

再嚟食泰國嘢！😍嚟到船皇必食正宗泰國船麵，湯底用咗大量牛骨熬成，仲有豬紅成份，味道特別濃郁。船麵可以揀辣度，配以秘製醬汁，仲有四款麵底選擇。牛腩同雞翼都滷得好入味，雞絲索晒湯好正，金邊粉亦好掛湯，每一啖都飲到濃厚微辣嘅湯底，真正泰國風味。唯一小失望係今次食嘅炸豬皮有啲受潮，食落冇咗香脆嘅口感。泰仔奶茶同咖啡都係用個碗仔嚟裝幾得意～奶茶經冰鎮所以唔怕被碎冰溝稀，香滑唔會過甜🧡我地今次食嘅係午市優惠，下午茶時段仲會更抵呢！