亞萊泰 (T Town North)

營業中

休息中

同屋企人黎食飯，總會揀呢一間食，因為大家都鍾意食泰國嘢，而且夜晚都唔使收+1.屋企人建議叫個四人餐食，好滿意呢個餐，因為夠飽之餘又唔會頂住個肚。前菜揀咗個金柚子沙律，柚子肉好酸甜，配埋個沙律汁整得好好味。呢座係香草仿蟹肉雞絲魚肚羹，下低有個火烘住，好貼心，口感濃稠適中。明爐烏頭魚，魚尾部份會比較滑，同酸酸地嘅湯一齊食，好有泰國風味。至尊泰式海南雞，主要想食雞皮，薄而不肥，雞肉超滑！蒜蓉炒芥蘭，有鑊氣，芥蘭嘅色澤好翠綠新鮮。菠蘿海鮮炒飯以完個菠蘿上，仲有隻菠蘿碟，炒得幾好味。食完咁多嘢仲有甜品未食！呢個芒果糯米飯必食，糯米夠熱又軟熟，芒果又鮮甜，好味呀！有個泰式甜品拼盤，有椰汁西米糕同埋大菜糕，味道唔及芒果糯米飯咁好味。