Mana Thai Kitchen (已結業)

忙左個幾星期，今日終於請到假同男朋友出去行下搵野食。之前有朋友介紹呢間正宗泰國餐廳，今日同男朋友去試下。菠蘿海鮮炒飯，菠蘿有輕微燒過，個炒飯都好足料，有好多肉鬆、腰果、菠蘿粒、蝦、魷魚、臘腸粒、雜豆。牛肉船麵，個湯底酸酸地幾開胃，入邊用左金邊粉，所以就算放耐左都唔怕麵質會變淋，有幾片牛肉，肉質唔鞋，另外仲有牛丸、牛筋、牛腩同炸豬皮，脆卜卜配埋個湯好食😋泰式炒通菜，平時成日食馬拉盞，今日食下其他，個味道都幾好，無馬拉盞咁鹹同濃味。另外叫左兩杯特色Cocktail，但因為好多都唔知咩黎，所以同男朋友是但揀兩杯，兩杯都甜甜地，但又帶有少少泰國啲香料味，幾特別！