韓舍 (已結業)

上次去泰國食過流水蝦, 之後成日都好掛住好想去食, 早幾日經過元朗竟然有流水蝦加韓燒放題🦐入去一心就係諗住食流水蝦 佢哋有一大缸嘅大蝦喺枱側邊 可以畀你自己夾嚟食, 店員話畀我哋知依隻叫做羅氏大蝦 唔單止有好多膏仲會啖啖肉😍😍 啲蝦超級活躍，夾起之後就放喺冰水度凍暈佢， 之後就可以攞嚟燒，有三隻調味料 我自己就覺得炒鹽係最好配🦞另外呢度嘅放題係好多好多選擇， 熱食 燒肉 魚生 甜品等等 都有超級多款 ， 不過今日重點係食蝦 食下已經填飽咗半個胃 真係食到超級飽， 其實仲有好多嘢都未食到 ，咁多選擇都幾抵食☺️