金蜜豐泰國餐廰

營業中

休息中

係熟食中心上面，舖面唔大，不過係門外都放左幾張圓枱，好似大排檔甘。所有員工都係泰國人，聽到佢地傾計都係用泰文。餐牌有啲污糟，價錢唔貴，上菜都幾快。生菜包，一碟肉碎，生菜就用個膠桶仔裝住上。份量好足，肉碎咬落仲有汁，都幾辣，不過就唔似大陸野個種辣，唔諗衛生問題既話都幾好食既。酸辣豬頸肉沙律，好辣！無咩菜，淨係好多洋蔥幾條芹菜同2粒蕃茄，不過肉都幾多既，但啲菜就唔係幾岩我食，同埋辣到我食唔到。泰式炒金邊粉，有一隻大蝦係上面，賣相幾吸引，完全唔辣，仲有少少甜，食落唔油膩，隻蝦都幾鮮幾爽口，不過除左隻蝦其實就無肉，淨係蛋炒金邊粉甘，但都幾好食。另外仲可以叫即燒既燒烤，都幾正。2個人三樣野又飲椰青先二百幾，唔算貴。