象泰 (已結業)

今日好想食泰國菜，所以去左屯門象泰，聽講呢間唔錯！喺雅都商場一樓，都搵咗一陣先搵到。泰式明爐花甲鍋呢個鍋嘅配料真係好充足！上枱嘅時候芫荽鋪面，攞羹一撈，嘩！勁多肉碎、雞髀菇、粉絲及香料配菜、湯底酸酸辣辣、但係酸辣得來帶點清、感覺無咁濁，原來佢真係用咗梅係湯到！好驚喜！唔同出面其他，用調味料溝出來的。泰式生蝦有兩種顏色： 綠色同橙色擺喺shooter 杯好特別、用薄荷葉點綴，蝦面有辣椒🌶️同生蒜🧄點綴同調味、一齊食好好味！蝦身就浸落醬汁、索晒味😋，新鮮又好味！ 原隻椰青頭海鮮焗飯原隻椰青已經令人期待！焗飯有青口有蝦有魷魚🦑有蜆、飯好有椰汁香、比較滑身！仲有紅蘿蔔粟米🌽蠶豆，令到飯好香甜！呢間泰菜製作真心好用心！ 冷盤熱鍋都好正！👍🏻