Add Some Thai Restaurant

營業中

休息中

今日朋友帶我到觀塘工業大廈食泰國菜，他說Add Some Thai 的泰菜正宗，又有質素，那就一定要試試。餐廳環境幾有泰feel ，座位好舒適。海蝦雜錦海鮮東陰功湯，好大盤，六個人都夠飲，酸酸辣辣，不會太辣，有淡淡椰奶香，還有許多海鮮，蝦亦好新鮮，味道好好。串燒拼盤，份量都幾多，雞、牛、羊豬、魷魚、菇菌等，各式各樣，燒得不會太乾，特別是牛肉串好好味，爽口味濃，加上沙爹醬超惹味。泰式無骨海南雞，幾有質素，雞皮黃亮，肉質相當嫩滑，雞胸肉都不會柴，就連雞皮都是爽口的。泰式鮮蝦青木瓜沙律，賣相幾特別，蝦幾大隻，木瓜酸酸辣辣，好爽脆，相當開胃。黃咖喱鹹蛋軟殼蟹，有兩大隻，好香脆，黃咖喱加入鹹蛋黃，顯得更濃厚，而且有淡淡鹹蛋香味，口感更豐富。泰式碳燒豬頸肉炒金邊粉，都幾大碟，豬頸肉燒得好香，幾爽口，金邊粉夠煙韌，不會太甜，以香 辣味為主。馬拉盞炒椰菜苗，平日較少食，味道鹹香，口感爽嫩，好食。A.S.T.甜品拼盤，超吸引，我覺得來Add Some Thai ，這是必點的，雖然已食得好飽，但食甜品有第二個胃，色彩豐富，見到都好味， 三色糯米飯好軟糯，加上椰奶和芒果超正，芝士凍餅亦很美味，芝士味濃厚。