雞大哥泰國海南雞 (已結業)

嗰日放學有啲肚餓，朋友介紹油麻地有間海南雞飯好掂，所以決定去買返個返屋企食下。雞大哥泰國海南雞，位於油麻地地鐵站附近。多款飯類小食可供選擇。仲有特飲，消暑解渴。海南雞撈麵（$35)份量夠，麵底多，醬汁酸酸甜甜，充滿泰式風味。輕量版海南雞飯（$33）雞肉質感嫩滑，厚身爽彈，油飯份量適中，充滿油香。長洲大魚旦2粒($20)大大粒，外皮金黃，內裡雪白，味道鮮美，超級彈牙。芒果糯米飯（$40）芒果色澤亮麗，果肉肉質細緻，糯米粒粒分明，口感煙靭。香蕉煎餅（$28）煎餅酥脆，香蕉又甜又軟，配上朱古力醬，非常美味。