金記冰室 (黃大仙中心南館) (裝修中)

同老公行完黃大仙商場，就去咗商場內嘅金記冰室食晚餐，冰室裝潢帶著懷舊佈置，食物也是多元化，而且價廉物美好抵食。鐵板海陸空配薯菜黑椒汁：海陸空有豬扒、魚柳、雞全翼，沿用傳統鐵板熱烘烘的上檯，再灑上濃濃的黑椒汁，香噴噴的肉味香氣四溢，汁料滿意配菜薯條份量又多，魚柳外脆內嫩，厚切豬扒夠大塊，肉質唔鞋口，雞全翼香脆可口，整體份量十足，大件夾抵食！扒餐奉送例湯熱飲，中湯係節瓜湯，味道香甜夠火喉。馬來炒貴刁：鑊氣十足，炒出焦香鍋氣，甜鹹鮮香帶咖喱的味道，用料有鮮蝦、火腿、肉絲、蛋、洋蔥等相當豐富。韭黃蝦球炒滑蛋：炒蛋口感軟嫩，蝦仁大大隻又彈牙，加入韭黃增加香味。蛋治內的半熟炒蛋夠嫩滑，而且還會流出蛋汁！法蘭西多士：即叫即做仔厚厚西多士內夾花生醬，煎炸至金黃色，配糖漿牛油，超美味！紅豆冰不會太甜，紅豆份量比較少。凍鴛鴦香濃