潮龍園

營業中

休息中

搭巴士返屋企，喺元朗大馬路落車，諗住去街市買少少嘢返屋企煮，不過行過潮龍園，俾佢啲魚蛋吸引住。入到去，老婆叫咗碗雲吞河，我就叫魚蛋河，佢話每日新鮮製造，食落好彈牙，又有魚味，唔似機做出嚟。老婆碗雲吞，蝦唔係好大隻，豬肉佔大份，所以啱啲食肉獸。湯底唔錯，你問我有冇落味精，我諗應該…….另外叫咗碟炸魚皮，好脆又唔係好重味精，份量都唔少。碟腐乳通菜就麻麻哋，菜烚得太耐而腍哂，冇哂咬口，而腐乳又幾咸，落番少少糖嚟調味吓會好啲。杯凍檸茶就正正常常，都算係中上嘅水平。