影片
更多
2015-09-22
603 瀏覽
上星期三難得同老公一齊早收，未到六點就食完晚飯。不過，喺北角行到九點左右兩個就肚餓，結果忍唔住去搵宵夜食。老公醒起住附近嘅朋友上次向佢推介過間打冷，所以就諗住去試下。但估唔到間嘢原來真係好受歡迎，明明有兩間舖（雖然唔係癡埋一齊），不過平日咁夜都仲要等位！咁多人食，梗係好嘢，所以同老公決定餓住等都要食∼結果等咗二十分鐘就有位喇！老闆好友善咁向我哋推介佢哋新推嘅打冷，咁當然順下老闆意啦！（雖然我本來就係為咗打冷而嚟）不過因為太夜，所以都怕肥，唔敢叫咁多∼所以只係點咗鳳爪花生同南乳炆豬手。結果兩樣都好好味！鳳爪炆得好入味，連花生都比老公大讚一流！因為估唔到花生都會入埋味∼至於豬手，南乳味好香，皮又好有咬口，仲唔會炆得太林，搞到愈食愈餓！食食下，仲聞到隔離枱傳嚟嘅香味∼原來係蠔仔粥！唔知點解會咁香，但就吸引到我好想一試！所以最終同老公叫咗份細嘅∼除咗蠔仔嘅鮮甜肥美，真係一路食都覺得好香，但又唔係蠔仔味喎！一問之下，原來係因為有魚乾！之前都食過蠔仔粥，不過都係第一次食到咁香嘅蠔仔粥∼最終呢餐宵夜搞到兩個食到肚滿腸肥先走∼
老公醒起住附近嘅朋友上次向佢推介過間打冷，所以就諗住去試下。但估唔到間嘢原來真係好受歡迎，明明有兩間舖（雖然唔係癡埋一齊），不過平日咁夜都仲要等位！咁多人食，梗係好嘢，所以同老公決定餓住等都要食∼
鳳爪花生
$58
29 瀏覽
0 讚好
0 留言
南乳炆豬手
$58
84 瀏覽
0 讚好
0 留言
鎮店蠔仔粥
$42
37 瀏覽
0 讚好
0 留言
張貼
