重慶洪鼎火鍋 (已結業)

上星期五去左尖沙咀搵舊同事食飯，本身約咗好耐都未約到，今次終於約到佢！尋日仲傾左好耐今日食啲咩，咁終於決定去打邊爐！而亞士厘道開左間新既打邊爐好似唔錯，所以入去左食其實係門口已經聞到濃濃既麻辣火鍋既味道，真係未食先流口水。由於佢新開，所以做緊折扣！八點半前離座有七折優惠或者火鍋鍋底$1一個（雙拼+$20），二選其一。咁我地就選左七折優惠，另外佢地啤酒真係勁抵，30蚊既1664有500ML，平過係酒吧飲咁我地就叫左雙拼湯底，正宗洪崖洞麻辣鍋 拼 芫荌皮蛋麻辣鍋 好夠麻同辣鍋，十足我係四川既味道。而芫荌皮蛋則好足料佢地定家做緊海鮮拼盤，咁叫左盤拼盤A (480蚊) ，絕對夠2人食!有竹串海蝦、活鮑魚、貴妃蚌同埋仲有成條活石蚌魚(刺身)，勁新鮮!! 上台既時候D海鮮仲郁緊性價比超高~平時好少食石蚌魚，但原來好爽口、鮮甜，呢條魚真係有驚喜!另外我地叫左個 重慶四寶，有鵝腸、黑牛柏葉、豬腰同鴨血呢幾樣同香港平時食既好唔同，佢地既料係明顯新鮮，烚一陣就食得。正!