發哥粥底海鮮火鍋 (已結業)

第一次幫襯發哥粥底海鮮火鍋 顯徑村入邊🥳好快開通顯徑站應該會越嚟越方便 佢門口並唔係寫住發哥而係寫（逸翠軒） 入邊嘅格局同酒樓差唔多可能因為新年嘅關係所以晚市都唔會太多人坐得好舒服空間感十足 除咗打邊爐佢哋仲有晚市小菜套餐，應該同酒樓差唔多👍🏻 打邊爐都有四個餐選擇...今日選咗A餐-龍蝦餐 好快店員就送上一瓶自家製竹庶茅根水... 好足材又唔會太甜 配襯打邊爐簡直一流 另外出邊佢仲有汽水櫃任飲 其中一個賣點就每個餐都會附送一個老火湯 勁原汁原味，材料豐富有雞腳...豬肉...螺頭...蟲草花等等啱晒我呢啲平時冇乜湯水飲嘅人👍🏻感覺似無味精...飲完唔會好口渴 好快我哋個龍蝦餐已經到咗....所有食材都洗得好乾淨...而且好新鮮.... 尤其係鮑魚好大隻煮完都唔會縮水👍🏻新鮮彈牙 龍蝦啖啖肉都係一個必選嘅選擇 另外套餐附送的安格斯牛肩肉，肥瘦肉質均勻 另外自選左八款時令食材 全部水準都唔錯....最正嘅就係脆骨腩片 超爽口👍🏻呢樣都係我打邊爐必食嘅嘢 食到最後店員就會過來加粥底，幫我們炮製這個精華的粥... 除咗加粥底之外，店員還會加南瓜粟米芋頭等等讓粥底更加濃郁 自己仲可以去醬料區攞